مظفرگڑھ سے گرفتار پاکستان تحریک انصاف (پی ٹی آئی) کے رہنماء شہباز گل کو رہا کردیا گیا۔
رات گئے پی ٹی آئی رہنماء شہبازگل کو مظفر گڑھ میں مجسٹریٹ جتوئی کی عدالت میں پیش کیا گیا جس کے بعد رہائی ممکن ہوئی۔
شہباز گل نے سماجی رابطے کی ویب سائٹ ٹوئٹر پر اپنے ٹویٹ میں رہائی کی تصدیق کی اور تمام دوستوں کا شکریہ ادا کیا۔
پی ٹی آئی کے سینئر رہنما شہبازگل کو مظفر گڑھ پولیس نے رہا کردیا۔ pic.twitter.com/q7xZU6zktV
— Dr. Shahbaz Gill ( Updates ) (@DRSGUPDATES) July 17, 2022
شہباز گل نے کہا کہ تمام دوستوں کا شکریہ اداکرتا ہوں جنہوں نے میری غیرقانونی گرفتاری کی مذمت کی اور آواز بلند کی، فرعون کو بھی لگتا تھا کہ اس کی طاقت دائمی ہے اور وقت کے فرعونوں کا بھی خیال یہی تھا، ریاستی جبر اور مشینری کے استعمال کے باوجود اللہ تعالیٰ نے ان کی رعونت خاک میں ملادی ۔
تمام دوستوں کا بہت شکریہ جنہوں نے میری غیر قانونی گرفتاری کی مذمت کی اور آواز بلند کی
— Dr. Shahbaz GiLL (@SHABAZGIL) July 17, 2022
فرعون کو بھی یہ لگتا تھا کہ اسکی طاقت دائمی ہے
اور وقت کے فرعونوں کا بھی خیال یہی تھا
ریاستی جبر اور مشینری کے استعمال کے باوجود
اللّٰہ تعالیٰ نے انکی رعونت خاک میں ملا دی
پاکستان زندہ باد
یاد رہے کہ گزشتہ روز الیکشن کمیشن کے حکم کے بعد پولیس نے شہبازگل کو مظفر گڑھ کے حلقہ پی پی 272 سے گرفتار کیا تھا۔
پولیس نے شہباز گل کو تھانہ صدر علی پور منتقل کرکے انہیں حوالات میں بند کردیا تھا، شہباز گل پر جعلی ایف سی اہلکار اپنے ساتھ رکھنے کا الزام تھا۔
پاکستان تحریک انصاف کے چیئرمین عمران خان نے بھی شہباز گل کی گرفتاری کی سخت الفاظ میں مذمت کی تھی۔
