لاہور: وزیر داخلہ پنجاب عطا تارڑ نے کہا ہے کہ پی پی 158جھگڑے کا فوری نوٹس لے لیا گیا ہے، پی ٹی آئی کے جمشیداقبال چیمہ،سعید مہیس نے لیگی کارکن کا سر پھاڑ دیا ہے۔

اپنے بیان میں عطا تارڑ نے کہا کہ پی پی 158سے ن لیگ کے امیدوار احسن شرافت پرامن رہے۔

انہوں نے مزید کہا کہ کسی کو امن امان خراب کرنےکی اجازت نہیں دی جاسکتی۔

ان کا کہنا تھا کہ جمشیداقبال چیمہ اور سعید مہیس کی گرفتاری کا حکم دے دیا ہے۔

دوسری جانب ڈی آئی جی آپریشنز سہیل چوہدری نے کہا ہے کہ الیکشن پر فول پروف سیکورٹی کے انتظامات کیے گئے ہیں، کسی کو قانون ہاتھ میں لینے کی اجازت ہرگز نہیں دی جائے گی۔

ڈی آئی جی آپریشنز کا کہنا تھا کہ سیکیورٹی اور امن و امان کے حوالے سے نگرانی کر رہا ہوں۔