سابق حسینہ عالم و بھارتی اداکارہ سشمیتا سین نے اپنی شادی سے متعلق گردش کرنے والی خبروں کی تردید کردی۔

مقبول فوٹو شیئرنگ ایپ انسٹاگرام پر اپنی پوسٹ میں ان کا کہنا تھا کہ میں جہاں بھی ہوں اچھی جگہ پر خوش ہوں لیکن شادی شدہ نہیں ہوں۔

انہوں نے کہا کہ کوئی انگوٹھی نہیں لیکن غیر مشروط طور پر محبت نے مجھے حصار میں لیا ہوا ہے۔

سشمیتا سین نے اپنے مداحوں سے مخاطب ہوتے ہوئے کہا کہ ہمیشہ میری خوشیوں میں شریک ہونے کیلئے آپ کا شکریہ.

خیال رہے کہ گذشتہ روز سے ہی سوشل میڈیا پرسشمیتا سین کی شادی سے متعلق خبریں گردش کر رہی تھیں۔

خبروں میں کہا جاررہا تھا کہ انہوں نے انڈین پریمیئر لیگ (آئی پی ایل) کے سابق کمشنر اور معروف بزنس مین للت مودی سے شادی رچا لی ہے۔