سعودی عرب نے تمام ممالک کے لیے اپنی فضائی حدود کھولنے کا فیصلہ کرلیا ہے۔

سعودی عرب کی جنرل اتھارٹی آف سول ایوی ایشن نے مملکت کی فضائی حدود کو ان تمام ہوائی جہازوں کے لیے کھولنے کا فیصلہ کیا ہے، جو اوور فلائینگ کرتے ہیں۔

سعودی جنرل اتھارٹی نے وضاحت کی کہ یہ فیصلہ 1944 کے شکاگو کنونشن کے تحت اپنی ذمہ داریوں کو پورا کرنے کے لئے کیا گیا ہے۔

تاہم جس کا مقصد تین براعظموں کو جوڑنے کے ساتھ ہی مملکت کی پوزیشن کو مستحکم کرنا اور بین الاقوامی ہوائی رابطے کو بڑھانا ہے۔

شکاگو کنونشن بین الاقوامی فضائی نیویگیشن میں استعمال ہونے والے سول طیاروں کے درمیان غیر امتیازی سلوک کا تعین کرتا ہے۔

خیال رہے کہ سعودی عرب کا یہ فیصلہ ایسے وقت آیا جب امریکی صدر جو بائیڈن اپنے دورے پر گزشتہ روز اسرائیل پہنچے تھے۔