رواں سال عید الاضحیٰ پر ریلیز ہونے والی فلموں کا مداحوں کو بڑی بے صبری سے انتظار ہے۔
فلموں میں فہد مصطفیٰ اور ماہرہ خان کی “قائد اعظم زندہ باد” کے ساتھ ہی ہمایوں سیعد، مہوش حیات اور کبریٰ خان کی فلم “لندن نہیں جاؤں گا” شامل ہے۔
اس ساتھ ہی سمیع خان اور نازش جہانگیر کی مزاحیہ اور خوفناک فلم “لفنگے” عید پر ریلیز کی جائے گی۔
قائد اعظم زندہ باد
ایکشن سے بھرپور فلم شائقین کے دل کو خوب لبھانے والے ہے، جو عید الاضحیٰ کے موقع پر 10 جولائی کو ریلیز ہوگی۔
فلم “قائد اعظم زندہ باد” میں فہد مصطفیٰ پولیس کا کردار نبھاتے ہوئے فُل ایکشن میں نظر آئیں گے۔
لندن نہیں جاؤں گا مداحوں کے انتطار کی گھڑیاں ختم ہونے والی ہیں کیونکہ فلم ‘لندن نہیں جاؤں گا’ عید الاضحٰی پر ریلیز ہوگی۔ ہمایوں سعید، مہوش حیات اور کبریٰ خان کے ٹرائی اینگل پیار کی کہانی کے گرد گھومتی ہے۔ تاہم فلم کو خلیل الرحمان قمر نے لکھا ہے جبکہ ندیم بیگ اس فلم کے ہدایت کار ہیں۔ لفنگے عید پر ریلیز ہونے والی تیسری مزاحیہ اور خوفناک مناظر سے بھرپور فلم “لفنگے” ہے۔ پاکستان بورڈ آف فلم سینسرز نے فلم ‘لفنگے’ سے فحش جملے اور مناظر نکالنے کے بعد اسے عید الاضحیٰ پر ریلیز کی اجازت دے دی۔ وفاقی فلم سینسر بورڈ نے فحش جملوں اور جنسی اشاروں کی وجہ سے گزشتہ ہفتے ‘لفنگے’ کی نمائش پر پابندی عائد کردی تھی۔ خیال رہے اداکار سمیع خان ،اداکارہ نازش جہانگیر، اداکار مانی، سلیم معراج، مبین گبول اور دیگر مرکزی کردار ادا کیا ہے۔ تاہم فلم کی کہانی 4 ایسے نوجوانوں کے گرد گھومتی ہے جن کے بڑے خواب ہیں لیکن ان کو حاصل کرنے کا طریقہ نہیں جانتے۔
