واشنگٹن : امریکی عدالت نے ایوارڈ یافتہ گلوکار آرکیلی کو جنسی جرائم پر 30 سال قید کی سزا سنا دی۔

55سالہ امریکی گلوکار آر کیلی کو بروکلین کی وفاقی عدالت نے سزا سنائی۔

عدالت نے کہا کہ آر کیلی خواتین اور کم عمر لڑکیوں کی عصمت دری، منشیات اور چائلڈ پورنوگرافی کے مرتکب پائے گئے۔

سزا کے بعد امریکی گلوکار آر کیلی کو شکاگو کی جیل منتقل کر دیا گیا ہے۔

آر کیلی کے وکلاء نے سزا کو غیر منصافہ قرار دیتے ہوئے کہا کہ آر کیلی اتنی زیادہ سزا کے مستحق نہیں ہیں، عدالت سے سزا کم کرنے کی درخواست کی جائے گی۔