ریڈٹ نامی امریکی ویب سائٹ پر ایک ٹیچر کا کہنا تھا کہ ان کے طلبا انہیں گوٹ، یعنی بکرا، کہتے ہیں اور جب جواب میں وہ بھی انہیں بکرا کہیں تو وہ ہنستے ہیں۔

تاہم ٹیچر کا کہنا تھا کہ انہیں نہیں سمجھ آتا کہ اس میں مزاحیہ کیا ہے۔ اسی لیے انہوں نے صارفین سے گوٹ کا مطلب پوچھا۔

“یہ واقعی مزاحیہ تو ہے اور میں نے اس بارے میں کبھی زیادہ سوچا نہیں تھا۔ لیکن مجھے احساس ہوا کہ میں ایک ایسے مزاق میں شریک ہوں جس کی مجھے سمجھ ہی نہیں آتی۔”

Everything’s terrible except for this teacher going on Reddit and learning how much her students love her pic.twitter.com/JvDyXT8czt

— Robert Maguire (@RobertMaguire_) June 28, 2022

ان کا مزید کہنا تھا کہ “میرا ان (طلبا) کے ساتھ اچھا تعلق ہے اور یہ اچھے بچے ہیں تو مجھے نہیں لگتا وہ میرا مزاق اڑاتے ہیں۔ کیا کوئی (شاید آٹھویں جماعت کا طالب علم) مجھے اس مزاق کا مطلب بتا سکتا ہے۔”

اس پر ایک صارف نے انہیں لکھا کہ “گوٹ کا مطلب ہے گریٹ ٹیچر آف آل ٹائم۔ یہ (آپ کی) تعریف کی گئی ہے لگتا ہے آپ بہت اچھے ٹیچر ہیں۔”

گریٹ ٹیچر آف آل ٹائم کا مطلب ہے سب سے اچھے استاد۔