بنوں: شمالی وزیرستان کی تحصیل دتہ خیل میں پولیو ٹیم پر فائرنگ سے 2رضا کار جاں بحق ہوگئے۔

تفصیلات کے مطابق شمالی وزیرستان کی تحصیل دتہ خیل میں پولیو ٹیم قطرے پلانے میں مصروف تھی کہ نامعلوم مسلح افراد نے اندھا دھند فائرنگ کردی جس کے نتیجے میں 2 پولیو ورکرز جاں بحق اور ایک راہگیر زخمی ہوگیا۔

ذرائع کے مطابق جاں بحق ہونے والے 2 پولیو ورکرز میں رضااللہ اور دل بادشاہ شامل ہیں، لاشوں کو ڈسٹرکٹ ہیڈکوارٹر اسپتال منتقل کردیا گیا ہے۔