فیٹف کے تمام مطالبات پر عملدرآمد ہونے پر وزیراعظم شہباز شریف نے سربراہ پاک فوج جنرل قمر جاوید باجوہ کو ٹیلی فون کیا ہے۔

پاکستان کی انتھک کوششوں کے باعث فنانشل ایکشن ٹاکس فورس (فیٹف) کے تمام مطالبات پر عملدرآمد ہونے پر وزیراعظم نے آرمی چیف کو ٹیلی فون پر مبارک باد پیش کی۔

شہباز شریف نے ٹیلیفونک گفتگو کے دوران جنرل ہیڈ کوارٹرز (جی ایچ کیو) میں ‘کور سیل’ کے قیام پر آرمی چیف کے فیصلے کو سراہتے ہوئے کہا کہ سول ملٹری قیادت اور ٹیم کو شاباش دیتا ہوں، اس جیت پر ٹیم کے ہر فرد پر قوم کو فخر ہے۔

وزیراعظم نے وزیر خزانہ مفتاح اسماعیل اور وزیر مملکت برائے امور خارجہ حنا ربانی کھر کو بھی ٹیلیفون کرکے ٹیم کو خراجِ تحسین پیش کیا ہے۔