اسلام آباد:نیشنل الیکٹرک پاور ریگولیٹری اتھارٹی (نیپرا )نے سہ ماہی ایڈجسٹمنٹ کی مد میں بجلی کی قیمت میں 42 پیسے فی یونٹ اضافے کی منظوری دے دی، بجلی کی تقسیم کار کمپنیاں صارفین سے 3 ماہ کیلئے 42 پیسے اضافی چارج کریں گی۔

چیئرمین نیپرا توصیف ایچ فاروقی کی صدارت میں ڈسکوز کی سہہ ماہی ایڈجسٹمنٹ کی مد میں دائر درخواست پر سماعت ہوئی۔

بجلی کمپنیوں نے 10 ارب 54 کروڑ روپے سے زائد کی ایڈجسٹمنٹ مانگی تھی،ٹیسکو نے 4 ارب 34 کروڑ ، پیسکو نے 2 ارب 7 کروڑ ، گیپکو نے 1 ارب 97 کروڑ ، آئیسکو نے ایک ارب ، میپکو نے ایک ارب 80 کروڑ اور حیسکو نے 1ارب 91 کروڑ روپے کی وصولیوں کی ایڈجسٹمنٹ مانگی تھی۔

چیئرمین نیپرا کا کہنا تھا کہ بجلی کی تقسیم کار کمپنیوں نے مکمل اعدادوشمار نہیں دیئے ، کمپنیاں ایک ہی کام کو بھی صحیح طریقے سے نہیں کر سکتیں،ہم کوئی ان لمٹیڈ کیش سہولت کے ساتھ اے ٹی ایم تو نہیں کھولے بیٹھے، روپیہ ڈالر کے مقابلے میں آدھا رہ گیا، ہم نے بجلی گھروں سے جو معاہدے کئے ہیں وہ تو ادا کرنے ہیں۔

نیپرا نے سماعت مکمل کرتے ہوئے 3ماہ تک کیلئے 42 پیسے کا اضافہ منظور کر لیا، حتمی نوٹیفکیشن بعد میں جاری کیا جائے گا۔