جانی ڈیپ نے اپنی سابق اہلیہ ایمبر ہرڈ کے خلاف مقدمے میں جیت کو برمنگہم کے ایک انڈین ریستوران میں 62 ہزار امریکی ڈالر کے کھانے پر خرچ کرکے منایا۔

امریکی اخبار نیویارک پوسٹ کے مطابق جانی ڈیپ کو موسیقار دوست اور ساتھی جیف بیک اور دیگر 20 افراد کے ساتھ انگلینڈ کے شہر برمنگہم میں واراناسی نامی انڈین ریستوران میں کھانے سے لطف اندوز ہوتے دیکھا گیا تھا۔

جانی ڈیپ کے ریسٹورنٹ میں جانے کے بارے میں بات کرتے ہوئے وارانسی کے آپریشنز ڈائریکٹر محمد حسین نے نیویارک پوسٹ کو بتایا کہ “ہمیں اتوار کی دوپہر کو غیر متوقع طور پر کال آئی کہ جانی ڈیپ لوگوں کے ایک گروپ کے ساتھ کھانا کھانے آنا چاہتے ہیں۔”

ان کا کہنا تھا کہ جانی ڈیپ کی سیکیورٹی ٹیم پھر ان کے اور ان کے دوستوں کے پہنچنے سے پہلے ریستوران کو چیک کرنے گئی تھی۔

جانی ڈیپ اور ان کے موسیقار دوست نے ریستوران میں کھانا کھانے والے افراد کے ساتھ تصاویر بھی کھنچوائیں۔

نیو یارک پوسٹ کے مطابق جانی ڈیپ نے ریستوران میں مشہور انڈین کھائے جن میں شامل تھے کباب، پنیر تکہ مسالہ اور جھینگے۔