اسلام آباد: سینیٹ کی قائمہ کمیٹی برائے داخلہ نے تحریک انصاف کے کارکنان کے خلاف پولیس کارروائی کا نوٹس لے لیا، ہنگامی اجلاس منگل کو طلب کرلیا۔

تفصیلات کے مطابق پاکستان تحریک انصاف کے کارکنان کیخلاف پولیس تشدد کے واقعات، سینیٹ کی قائمہ کمیٹی برائے داخلہ نےنوٹس لےلیا۔

چیئرمین سینیٹرمحسن عزیز نے 31 مئی کوقائمہ کمیٹی برائے داخلہ کا ہنگامی اجلاس طلب کرلیا ،سیکرٹری داخلہ، چیف سیکرٹری پنجاب اور آئی جی پنجاب کوطلب کرلیا گیا۔

جبکہ ہوم سیکرٹری پنجاب، آئی جی اسلام آباد، ڈی آئی جی آپریشنزلاہور اور ڈی آئی جی آپریشنز اسلام کو بھی نوٹس جاری کردیئے گئے، چیف کمشنر اسلام آباد اور ڈپٹی کمشنر اسلام آباد کو بھی طلب کرلیا ہے۔