اسلام آباد: پاکستان تحریک انصاف کے چیئرمین عمران خان نے کہا ہے کہ امپورٹڈ حکومت اور پولیس نے مارچ کے پرامن شرکاء کے ساتھ بربریت کی، آئین اور سپریم کورٹ کے احکامات کی دھجیاں اڑائی گئیں، مارچ سے قبل پنجاب اور سندھ پولیس نے پی ٹی آئی ورکرز کو ہراساں کیا۔
سابق وزیراعظم عمران خان نے سماجی رابطے کی ویب سائٹ ٹوئٹر پر اپنے ٹویٹ میں کہا کہ آئین اور سپریم کورٹ کے احکامات کی دھجیاں اڑائی گئیں جو قابل مذمت اور ناقابل قبول ہے۔
عمران خان نے کہا کہ اس مجرم امپورٹڈ حکومت اور پولیس نے مارچ کے پرامن شرکاء پر بربریت کی۔
قابلِ مذمت اور ناقابلِ قبول! دستور+سپریم کورٹ کےاحکامات ہوامیں اڑاتےہوئےاس مجرم امپورٹڈ حکومت نےہمارےآزادی مارچ کےشرکاء کیخلاف پولیس کی وحشت آزمائی۔ہمارےمارچ سےایک رات قبل پنجاب و سندھ میں PTIکارکنان کےگھروں کی حرمت پامال، اہلِ خانہ کو ہراساں کیاگیا۔pic.twitter.com/r10mlgVYSd
— Imran Khan (@ImranKhanPTI) May 29, 2022
چیئرمین پی ٹی آئی عمران خان نے مزید کہا کہ ہمارے مارچ سے ایک رات قبل پنجاب اور سندھ پولیس نے پی ٹی آئی ورکرز کے گھروں کی حرمت کو پامال کیا اوراہل خانہ کو ہراساں کیا گیا۔
عمران خان آج چارسدہ میں پارٹی کنونشن سے خطاب کریں گے
دوسری جانب چیئرمین تحریک انصاف عمران خان آج شام 5 بجے چارسدہ میں پارٹی کنونشن سے خطاب کریں گے۔
عمران خان آزادی مارچ میں زخمی ہونےوالوں کی عیادت بھی کریں گے جبکہ وزیراعلیٰ خیبرپختونخوا محمود خان اور سینئر رہنماء بھی عمران خان کے ہمراہ ہوں گے۔
