لاہورمیں پولیس نے پاکستان تحریک انصاف کی رہنماء ڈاکٹر یاسمین راشد کی گاڑی پر پولیس نے دھاوا بول دیا، ان کی گاڑی کے شیشے توڑ دیئے گئے۔
پاکستان تحریک انصاف کی رہنما ڈاکٹر یاسمین راشد لاہور سے پی ٹی آئی کارکنوں کے ہمراہ لانگ مارچ کے ایک قافلے کی قیادت کر رہی تھیں کہ اس دوران ان کی پولیس اہلکاروں کے ساتھ تلخ کلامی ہوئی۔
لاہور: یاسمین راشد کے قافلے پر پولیس کی شیلنگ#AajNews #LongMarch pic.twitter.com/UrXP6OdZUv
— Aaj News (@Aaj_Urdu) May 25, 2022
پولیس اہلکاروں نے ڈاکٹر یاسمین راشد کو بتی چوک کی طرف جانے کی اجازت دینے سے انکار کیا جس پر انہوں نے انکار کر دیا اور ڈاکٹر پی ٹی آئی رہنما گاڑی کو آگے بڑھاتی رہیں۔
ڈاکٹر یاسمین راشد نے گاڑی آگے بڑھانے کی کوشش کی تو اس دوران پولیس اہلکاروں کی جانب سے ان کی گاڑی پر شدید لاٹھی چارج کیا گیا جس سے ان کی گاڑی کی ونڈ اسکرین بھی ٹوٹ گئی۔
پولیس کے لاٹھی چارج کے باوجود ڈاکٹر یاسمین راشد کی گاڑی کے ڈرائیور نے گاڑی نہ روکی اور گاڑی آگے بڑھا دی تاہم خود قسمتی سے اس واقعے میں کوئی پولیس اہلکار زخمی نہیں ہوا۔
