اسلام آباد: پاکستان تحریک انصاف کے چیئرمین عمران خان نے آج ہر صورت ڈی چوک پہنچنے کا اعلان کردیا اور کہا کہ ہم اگرنہیں نکلیں توآئندہ نسلیں ہمیں معاف نہیں کریں گی، کسی بھی قسم کا خوف اپنے ذہن پر نہ ڈالیں، سب کو اپنے بچوں کی آزادی کی جنگ لڑنی ہے۔
سابق وزیراعظم اورچیئرمین تحریک انصاف عمران خان نے آزادی لانگ مارچ سے متعلق اپنے ویڈیو پیغام میں کہا ہے کہ میں کشمیر روڈ سے ہوتا ہوا ڈی چوک پہنچوں گا، خاص طور پر چاہوں گا کہ راولپنڈی اور اسلام آباد کے لوگ نکلیں، ہم اگر نہیں نکلیں تو آئندہ نسلیں ہمیں معاف نہیں کریں گی۔
چئیرمین پاکستان تحریک انصاف عمران خان کا اہم پیغام- #حقیقی_آزادی_مارچ pic.twitter.com/S5vJg0CJ24
— PTI (@PTIofficial) May 24, 2022
عمران خان نے کہا کہ ڈی چوک پہنچوں گا، پشاور سے قافلے کی خود قیادت کروں گا، ڈی چوک پر آپ سے ملاقات کروں گا، اللہ کے علاوہ کسی کے سامنے جھکنے کی ضرورت نہیں، ہمارا ایک مقصد ہے اسمبلیاں تحلیل کریں اور الیکشن کروائیں۔
کشمیر روڈ سے ہوتے ڈی چوک پر پہنچوں گا، آپ نے کسی قسم کا خوف اپنے ذہن پر نہیں ڈالنا، عمران خان#AajNews #imrankhanPTI #LongMarch pic.twitter.com/clJAVZMZh2
— Aaj News (@Aaj_Urdu) May 25, 2022
چیئرمین پی ٹی آئی کا کہنا تھا کہ اسلام آباد اور راولپنڈی سے چاہوں گا لوگ نکلیں، باہر کے سامراجوں کو ایسے غلاموں کی ضرورت ہوتی ہے، عوام سے درخواست ہے آج ڈی چوک پہنچیں، حقیقی آزادی کیلئے عوام دوسرے شہروں میں بھی نکلیں، عوام کی جتنی تعداد ہوگی جیلوں میں اتنی جگہ ہوگی۔
سابق وزیراعظم عمران خان نے مزید کہا کہ پاکستان میں اس وقت کرپٹ لوگوں کو استعمال کیا جارہا ہے، میرے پاکستانیوں اس موقع کو ضائع مت ہونے دیں، پاکستان پر ڈرون حملے ہورہے تھے تو ان میں جرات نہیں تھی، ہمیں کسی سے ڈکٹیشن یا غلامی نہیں چاہیئے۔
