کراچی: کیا شدید گرمی کے سبب آپ کا میک اپ پگھل رہا ہے؟ تو گھبرانے کی کوئی بات نہیں ہے۔
پروفیشنل میک اپ آرٹسٹ قرات بابر نے آج نیوز کے مارننگ شو “آج پاکستان” کی میزبان سدرہ اقبال کے ساتھ ایسے طریقوں پر تبادلہ خیال کیا، جن سے آپ پسینے کے باوجود اپنے میک اپ کو برقرار رکھ سکتے ہیں۔
1) میک اپ کتنا کرنا چاہیئے؟
میک اپ بہت سے لوگوں کیلئے اظہار کا ایک ذریعہ ہے لیکن بھاری میک اپ کرنا یہ ظاہر کرنے کا صحیح طریقہ نہیں ہے۔
قرات بابر کا کہناتھا کہ “آپ دلہن بن سکتی ہیں لیکن میں پھر بھی کم میک اپ کرنے کا کہوں گی، جبکہ یہ بات بعض اوقات خواتین کے لیے صدمے کی طرح آتی ہے اور وہ مجھ سے پوچھتی ہیں کہ پھر ہم دلہن کی طرح کیسے نظر آئیں گے’’۔
انہوں نے کہا کہ جو چیز سب سے اہم ہے، وہ اندرونی خوبصورتی ہے اور جو وہ کہتے ہیں وہ سچ ہے کہ خوش دلہنیں سب سے خوبصورت ہوتی ہیں۔
2) اپنے بال باندھ لیں
قرات بابر نے بتایا کہ بلو ڈرائی اور کرل نمی کی وجہ سے آپ کے بال چپٹے ہو جائیں گے، یہاں تک کہ اگر آپ بہت زیادہ ہیئر اسپرے اور موس لگاتے ہیں، تو یہ ہمیشہ بہتر ہے یا تو اپنے بالوں کا جوڑا باندھ لیں یا سیدھا کرلیں۔
ان کا کہنا تھا کہ سیدھے بال کچھ دیر بعد اپنی قدرتی شکل میں واپس آسکتے ہیں لیکن وہ اتنے خراب نہیں لگیں گے جتنے کہ کرل چپٹے ہو جاتے ہیں۔
3) ہائی لائٹرز کو نہ لگائیں
پروفیشنل میک اپ آرٹسٹ قرات بابر نے کہا کہ اس موسم میں اپنے چہرے کو نمایاں کرنا کسی جرم سے کم نہیں ہے کیونکہ سورج پہلے ہی ایک ہائی لائٹر کا کام کر رہا ہے جو آپ کو پسینہ بہا رہا ہے۔
انہوں نے کہا کہ لہذا مہنگی مصنوعات کو ضائع کرنے کی ضرورت نہیں ہے، اگر آپ ہائی لائٹر استعمال کرنا چاہتے ہیں، تو اسے صرف اپنے گالوں کے اونچے مقامات پر لگائیں، اپنی ناک اور پیشانی کو اکیلا چھوڑ دیں کیونکہ یہ جلد کی ساخت کو بہتر بنائے گا۔
4) کنسیلر کا انتخاب کریں۔
میک اپ آرٹسٹ قرات بابر کہا کہ اگر آپ گرم موسم میں کچھ کوریج تلاش کر رہے ہیں، تو رنگین موئسچرائزر کے بجائے کنسیلر کا انتخاب کریں جبکہ ایک پرائمر اور سن بلاک 2 دیگر مصنوعات ہیں، جو اس موسم گرما میں آپ کے بیگ میں ہونی چاہئیں!
بلاآخران تمام ٹپس پرعمل کرتے ہوئے موسم گرم میں بھی اپینی خوبصورتی کو برقرار رکھیں کیونکہ خوبصورتی پر کوئی سمجھوتہ نہیں ہوسکتا۔
