لاہور:مسلم لیگ (ن) کے رہنماء اور سابق وزیر توانائی عابد شیر علی 4 سال بعد لندن سے وطن واپس پہنچ گئے۔
مسلم لیگ (ن) کے رہنماء عابد شیرعلی قومی ایئرلائنز کی پرواز سے لاہور پہنچے، ایئرپورٹ پر لیگی کارکنوں نے عابد شیر علی کا استقبال کیا۔
عابد شیر علی کا لاہور ائیرپورٹ پر استقبال pic.twitter.com/ZHezO8y9GV
— Pervaiz Sandhila (@chsandhilaa) May 19, 2022
میڈیا سے گفتگو کرتے ہوئے عابد شیر علی نے کہا کہ پارٹی قائد نوازشریف کو ناجائز مقدمات بنا کرملک سے نکالا گیا، بہت جلد وہ بھی وطن واپس پہنچ جائیں گے، جے آئی ٹی بنا کر پارٹی قائد نواز شریف کو غلط سزائیں دی گئیں، اس سارے اسکینڈل کے دستاویزی ثبوت موجود ہیں۔
گزشتہ حکومت پرتنقید کرتے ہوئے عابد شیرعلی نے کہا کہ عمران خان نے بجلی، چینی اور آٹے سمیت سب کچھ مہنگا کردیا، اب ایک مہینے میں عمران حکومت کا سارا ملبہ ہماری حکومت پر ڈالنے کی سازش رچائی جا رہی ہے۔
