لاہور: سابق وزیراعظم عمران خان کی اہلیہ بشریٰ بی بی کی قریبی دوست فرح خان نے مسلم لیگ (ن) کے رہنماء عطاء اللہ تارڑ کو 5 ارب روپے ہرجانے کا نوٹس بھیج دیا، نوٹس میں 7 دن کے اندر میڈیا پر آکر معافی مانگنے اور الزامات واپس لینے کا مطالبہ کیا گیا ہے۔

فرح خان نے مسلم لیگ (ن) کے مرکزی ڈپٹی سیکرٹری جنرل عطااللہ تارڑ کو لیگل نوٹس بھیجوا دیا، قانونی نوٹس فرح خان نے اپنے وکیل اظہر صدیق ایڈووکیٹ کے ذریعے بھیجا ہے۔

عطاءاللہ تارڑ کو نوٹس فرخ خان پر پریس کانفرنس میں الزامات لگانے اور تضحیک آمیز انداز سے نام بگاڑنے پر بھیجا گیا۔

نوٹس میں عطاء اللہ تارڑ سے 7روز میں تحریری طور معافی مانگنے اور الزامات واپس لینے کا مطالبہ کیا گیا ہے اور کہا ہے کہ عطاءاللہ تارڑ میڈیا پر آکر معافی اور الزامات واپس لیں،معافی نہ مانگنے پر 5ارب ہرجانے کی قانونی کارروائی عمل میں لائی جائے گی، قانونی نوٹس میں اخبارات اور ٹی وی کوریج کی نقول بھی لف ہیں۔