لاہور: جوہر ٹاؤن دھماکے کی تفتیش میں پیشرفت ہوئی ہے۔

انسداد دہشت گردی (سی ٹی ڈی) کے مطابق جوہر ٹاؤن دھماکے کے ماسٹر مائنڈ سمیع الحق اور سہولت کار کو کوئٹہ سے گرفتار کرلیا ہے۔

سی ٹی ڈی نے بتایا کہ دونوں دہشت گرد باڈر کراس کرکے پاکستان آرہے تھے، گرفتاری کے بعد ملزمان کے قبضے سے غیر ملکی کرنسی اور لیپ ٹاب بر آمد ہوا ہے۔

خیال رہے کہ لاہور کے علاقے جوہر ٹاؤن میں 23 جون 2021 کو دھماکا ہوا تھا جس میں تین افراد جاں بحق اور 24 زخمی ہوئے تھے۔