لاہور: نائب صدر مسلم لیگ (ن) مریم نواز کا کہنا ہے کہ عدالتی احکامات کے باوجود حمزہ شہباز کی حلف برداری کو روکا جارہا ہے۔

ایک ٹوئٹ میں مریم نواز کا کہنا تھا کہ عدالت کے واضح احکامات کے باوجود حمزہ شہباز کی حلف برداری کو ڈھٹائی سے روکا جا رہا ہے۔اتنی دیدہ دلیری سے آئین،قانون اور عدالتوں کا تمسخر اڑانا کسی نارمل انسان کا کام نہیں ہو سکتا۔

لیگی رہنما نے مزید کہا کہ بنی گالہ کے بھوت اگر باتوں سے نہیں مانتے تو سختی سے نپٹنا چاہیے، یہ 12 کروڑ عوام کا صوبہ ہے مذاق نہیں۔ ان پاگلوں کو یا تو پاگل خانوں میں بھرتی کرانا چاہیے یا ان پر سنگین غدارای اور عدالتوں کی توہین کے مقدمات چلنے چاہیئے۔

واضح رہے کہ گزشتہ روز جیف جسٹس لاہور ہائیکورٹ نے عدالتی احکامات جاری کرتے ہوئے صدر مملکت کو گورنر کی جگہ کسی کو نمائندہ نامزد کرکے نومنتخب وزیراعلیٰ حمزہ شہباز سے حلف لینے کی ہدایت کی تھی۔