جامعہ کراچی خودکش دھماکے میں جاں بحق ہونے والے ڈرائیور خالد نواز کی نماز جنازہ ادا کردی گئی۔

آج نیوز کے مطابق دہشت گردوں نے جہاں ملک کی سلامتی کو خطرے میں ڈالا وہیں ایک مزدور کے اہل خانہ سے ان کے سروں کا سایہ چھین لیا۔

وین ڈرائیور خالد نواز کو پاکستانی پرچم میں لپیٹ کرفقیرا گوٹھ کے قبرستان میں سپرد خاک کردیا گیا۔

خالد نواز کی بیوہ بھی اپنے شوہرکے اس دنیا کے رخصت ہونے پر اپنے ہوش کھو بیٹھی ہیں جبکہ گھر والوں نے انصاف کی اپیل کی ہے۔

خالد نواز کے دنیا سے جانے کے بعد اس کی 4 بیٹیاں اور2 بیٹے یتیم ہوگئے ہیں۔

خیال رہے کہ خالد نواز کی میت کو پاکستانی پرچم میں اعزاز کے ساتھ لپیٹ کر ان کی وہائش گاہ لے جایا گیا۔

تاہم ان کی نمازہ جنازہ فقیرا گوٹھ جمال مسجد میں ادا کی گئی۔