لاہورہائیکورٹ میں وزیراعلیٰ کے انتخاب کےدوران پارٹی ڈسپلن کے خلاف ووٹ دینےوالے ممبران پنجاب اسمبلی کی نااہلی کیلئے درخواست پرسماعت، عدالت نے انتیس اپریل کو الیکشن کمیشن اور چیف الیکشن کمشنر سے جواب طلب کرلیا۔

لاہور ہائیکورٹ کے جسٹس شجاعت علی خان نے پی ٹی آئی کے پارلیمانی لیڈر سبطین خان کی درخواست پر سماعت کی۔

درخواستگزار کی جانب موقف اختیار کیا گیا کہ علیم خان، نعمان لنگڑیال اورعظمیٰ کاردار سمیت 25 اراکین نے پارٹی ڈسپلن کے مطابق چوہدری پرویزالہیٰ کوووٹ نہیں دیا۔

منحرف ارکان کے خلاف ریفرنس الیکشن کمیشن میں دائر کررکھا ہے تاہم الیکشن کمیشن نے درخواست پر فیصلہ نہیں کیا۔

عدالت پی ٹی آئی کے 25 اراکین صوبائی اسمبلی کو پارٹی ڈسپلن کی خلاف ورزی پر نااہل قراردے۔

ان ارکان کو ڈپٹی اسپیکرکےخلاف تحریک عدم اعتماد میں ووٹ ڈالنے سے بھی روکا جائے اورالیکشن کمیشن کومنحرف اراکین کےخلاف ریفرنس پرجلد فیصلہ کرنےکاحکم بھی دیا جائے۔

عدالت نے الیکشن کمیشن سے جواب طلب کرتے ہوئے سماعت 29 اپریل تک ملتوی کردی۔