اسلام آباد: پاکستان تحریک انصاف (پی ٹی آئی) کے منحرف اراکین کو الیکشن کمیشن (ای سی پی) نے طلب کرلیا۔
ذرائع کے مطابق پی ٹی آئی کے منحرف ارکان کے خلاف نااہلی ریفرنس سے متعلق الیکشن کمیشن نے منحرف اراکین کو 28 اپریل کو طلب کرلیا ہے۔
ذرائع نے بتایا کہ الیکشن کمیشن نے تحریک انصاف کے 23 منحرف اراکینِ قومی اسمبلی کو نوٹسز جاری کر دیئے ہیں۔
خیال رہے کہ اسپیکر قومی اسمبلی اسد قیصر کی جانب سے پارٹی کے منحرف ارکان کے خلاف ریفرنس الیکشن کمیشن کو بھیجا گیا تھا۔
