پشاور: شہر کے بازاروں میں لیموں کی قیمتیں آسمان کی بلندی تک پہنچ گئیں ہیں۔

رمضان میں مشروبات کے ذائقے کو چار چاند لگانے اور جسم میں نمکیات کی کمی کو پورا کرنے والا لیموں غریب شہریوں کی دسترس سے باہر ہونے لگا۔

دریں اثنا پشاور میں چائنہ لیموں کی فی کلو قیمت 600 روپے جبکہ لوکل لیموں کی قیمت 800 روپے فی کلو تک جاپہنچی ہے۔

دکانداروں کے مطابق مانگ میں اضافہ لیموں کی قیمت میں اضافے کی بڑی وجہ ہے۔

علاوہ ازیں لیموں کی بڑھتی قیمت سُن کر شہری بھی تنگ آگئے ہیں.

شہریوں کا کہنا تھا کہ اب شربت بغیر لیموں کے پینا پڑے گا جبکہ کچھ نے تو لیموں کے بائیکاٹ کا بھی مشورہ دے دیا۔

تاہم شہریوں نے ضلعی انتظامیہ سے لیموں سمیت سبزیوں کی قیمتوں پر کنٹرول کا مطالبہ کردیا۔