قومی کرکٹ ٹیم کے سابق کپتان سرفراز احمد نے ملکہ برطانیہ الزبتھ کی 96ویں سالگرہ پر مبارکباد دینے کیلئے اُن کے ہمراہ یادگار تصویر شیئر کردی۔

سابق کپتان سرفراز احمد نے ٹوئٹر پر ملکہ الزبتھ کو مبارکباد دینے کیلئے ان کے ہمراہ تصویر شیئر کی ہے، جو ورلڈ کپ 2019 سے قبل ملکہ برطانیہ سے ملاقات کے دوران لی گئی تھی۔

شئیر کی گئی تصویر کے ساتھ سرفراز احمد نے کیپشن میں لکھا کہ "ملکہ برطانیہ کو سالگرہ مبارک ہو"۔

تاہم اس کے ساتھ انہوں نے ہیش ٹیگ پلاٹینم جوبلی اور رائل فیملی کا ہیش ٹیگ لگایا ہے۔

دوسری جانب شاہی خاندان کے تصدیق شدہ انسٹاگرام اکاؤنٹ سے ملکہ برطانیہ الزبتھ کی 96ویں سالگرہ کے موقع پر اُن تصویر شئیر کی، جس میں ملکہ کو 2 سفید گھوڑوں کے ساتھ دکھایا گیا ہے۔