سابق وزیر اعظم عمران خان کی سابقہ اہلیہ ریحام خان نے پی ٹی آئی کی حمایت کرنے والے فنکاروں کو ممی ڈیڈی اداکار قرار دے دیا۔

ریحام خان اپنی ٹوئیٹس کی وجہ سے خبروں کی سرخیوں میں رہتی ہیں اسی دوران انہوں نے اپنے ٹوئٹر پیغام میں کہا کہ "جو ممی ڈیڈی اداکار تحریک انصاف کا اقتدار جانے پر احتجاج کر رہے ہیں، کاش کشمیر پر بھی اتنا ہی احتجاج کیا ہوتا تو کیا ہی بات تھی"۔

اس قبل انہوں نے پنجاب اسمبلی میں چوہدری پرویز الہٰی کے ساتھ پیش آنے والے واقعے پر انوکھا تبصرہ کیا تھا۔ ریحام خان نے کہا کہ تحریک انصاف نے 3 سال میں پنجاب میں ایسے جدید اسپتال بنادیے، جہاں ٹوٹے ہوئے بازو کا علاج پایوڈین (Pyodine ) سے ہوتا ہے۔