لندن: برطانوی وزیراعظم بورس جانسن نے شہباز شریف کو وزیراعظم منتخب ہونے پر مبارکباد پیش کی ہے۔

سماجی روابط کی ویب سائٹ کی ایک پوسٹ میں بورس جانسن نے کہا کہ پاکستان اور برطانیہ کے درمیان گہرے تعلقات ہیں اور انہوں نے عزم کیا کہ دونوں ممالک مشترکہ مفادات کے معاملات میں مل کر بھی کام کریں گے۔

واضح رہے کہ اس سے قبل ترک صدر رجب طیب اردوان اور بھارتی وزیراعظم نریندرہ مودی نے بھی شہباز شریف کو وزیراعظم کے عہدے پر فائض ہونے پر مبارکباد پیش کی تھی۔