معروف ٹی وی میزبان پاکستان تحریک انصاف کے منحرف رکن عامر لیاقت کی تیسری اہلیہ دانیہ عامر نے بھی شوہر سے علیحدگی کی خبروں پر بول پڑیں۔
حال میں ہی عامر لیاقت کی دانیہ شاہ سے شادی ہوئی تھی، جس کے بعد گزشتہ روز سے جوڑے کے متعلق افواہیں گردش کر رہی تھیں۔
عامر لیاقت کی تیسری اہلیہ دانیہ نے اپنے انسٹاگرام اکاؤنٹ سے اپنے شوہر کے ہمراہ تمام تصاویر ڈلیٹ کردی ہیں جبکہ عامر لیاقت بھی انسٹاگرام دانیہ کو فولو نہیں کر رہے ہیں، ان تمام وجوہات کو جواز بنا کر سوشل میڈیا پر افواہیں سرگرم تھیں۔
اسی اثنا میں دانیہ عامر نے انسٹاگرام اسٹوری پر جاری ایک ویڈیو پیغام میں شوہر سے علیحدگی کی خبروں کی تردید کردی۔
عامر لیاقت کی تیسری اہلیہ دانیہ نے ویڈیو پیغام میں افواہیں پھیلانے والوں سے ایسا نہ کرنے کی اپیل بھی کی جبکہ ان کا کہنا تھا کہ ہم دونوں ایک ہیں، ہم دونوں میں علیحدگی نہیں ہوئی ہے۔
