پاکستان کے اولمپئن ویٹ لفٹر طلحہ طالب کا ڈوپ ٹیسٹ مثبت آنے پر ایتھلیٹ کامن ویلتھ گیمز اور اولمپکس 2024 سے باہر ہوگئے ہیں۔

تفصیلات کے مطابق ورلڈ اینٹی ڈوپنگ ایجنسی (واڈا) قوانین کے تحت ممنوعہ ادویات کے استعمال کی تصدیق پر انہیں کم از کم چار سال کی پابندی لگ سکتی ہے، طلحہ طالب کا ورلڈ ویٹ لفٹنگ چیمپئن شپ کے دوران ڈوپ ٹیسٹ کیا گیا تھا جہاں وہ پاکستان کے لیے کانسی کا تمغہ جیتنے میں کامیاب ہوئے تھے۔

خیال رہے کہ ایتھلیٹ ویٹ لفٹر طلحہ طالب نے گزشتہ برس کھیلے جانے والے ٹوکیو اولمکپس گیمز میں ویٹ لفٹنگ 67 کلوگرام کیٹگری میں پانچویں پوزیشن حاصل کی تھی۔