اسلام آباد: وزیر اعظم عمران خان کے خلاف تحریک عدم اعتماد کا اہم اجلاس، جو کافی تاخیر کے بعد شروع ہوا، اتوار کی صبح 11:30 بجے تک ملتوی کر دیا گیا۔

قومی اسمبلی سیکرٹریٹ نے بدھ کی شب آج کے لیے دن کا آرڈر جاری کیا تھا، جس میں سیشن کے ایجنڈے میں وزیر اعظم کے خلاف تحریک عدم اعتماد پر بحث تھی۔

تفصیلات کے مطابق قومی اسمبلی کا اجلاس ڈپٹی سپیکر قاسم سوری کی زیر صدارت ہوا جس میں اپوزیشن بنچوں کے 172 سے زائد ارکان نے شرکت کی۔

اجلاس شروع ہوتے ہی سوال و جواب کے دوران تمام اپوزیشن ارکان نے ڈپٹی سپیکر سے تحریک عدم اعتماد پر ووٹنگ کی اجازت دینے کا مطالبہ کیا۔

جس پر قاسم سوری نے کہا کہ اپوزیشن اراکین کے "غیر سنجیدہ" رویے کی وجہ سے اجلاس اتوار تک ملتوی کیا جا رہا ہے۔

پی ٹی آئی کے اتحادیوں، ایم کیو ایم پاکستان، بی اے پی، جے ڈبلیو پی، بلوچستان سے آزاد ایم این اے اسلم بھوتانی نے اپوزیشن کا ساتھ دینے کا فیصلہ کرنے کے بعد وزیراعظم عمران خان ایوان زیریں میں بظاہر اکثریت کھو چکے ہیں۔