پاکستان کرکٹ بورڈ (پی سی بی) کی جانب سے جون میں ہونے والی ویسٹ انڈیز کے خلاف ایک روزہ سیریز کا شیڈول جاری کردیا۔

پی سی بی نے جاری بیان میں کہا کہ رواں برس جون میں پاکستان 8 سے 12 جون تک پنڈی کرکٹ اسٹیڈیم راولپنڈی میں ویسٹ انڈیز کے خلاف (مینز) کرکٹ ورلڈ کپ سُپر لیگ میچز کی میزبانی کرے گا، تاہم ٹیم 5 جون کو اسلام آباد پہنچے گی۔

یاد رہے کہ دونوں ملکوں کے درمیان سیریز دسمبر 2021 میں ویسٹ انڈیز کے دورہ پاکستان کا حصہ تھی۔

تاہم دونوں ٹیموں کی رضامندی کے ساتھ کورونا وائرس کے 5 کیسز رپورٹ ہونے کے بعد ملتوی کردی گئی تھی۔