اسلام آباد: وزیراعظم عمران نے تحریک عدم اعتماد سے متعلق کہا ہے کہ ہمارا ہوم ورک مکمل اور نمبر گیم پورے ہیں، اپوزیشن والے اپنا شوق پورا کرکے دیکھ لے اُن کو اندازہ ہوجائے گا۔

ذرائع کے مطابق وزیراعظم نے گزشتہ روز پاکستان تحریک انصاف کے ارکان قومی اسمبلی سے ملاقات کی، ان ارکان میں ریاض قتیانہ اور نصراللہ دریشک سمیت وفاقی وزرا بھی شریک تھے۔

وزیر اعظم عمران خان کی ارکان سے ملاقات میں ممکنہ تحریک عدم اعتماد پر بات چیت ہوئی، اس موقع پر وزیراعظم کا کہنا تھا کہ ارکان پر اعتماد ہے، سب کچھ ٹھیک ہے، تحریک عدم اعتماد کے حوالے سے ہمارا ہوم ورک مکمل اور نمبر گیم پورے ہیں۔

تاہم ملاقات میں موجود پارٹی ارکان نے وزیراعظم کو یقین دہانی کرائی کہ ہم کہیں جارہے ہیں اور نہ ہم نے ایسا سوچا ہے، ہم آپ سے مطمئن رہیں، ہم آپ کی ٹیم کا حصہ ہیں۔