کمشنر کراچی اقبال میمن نے دودھ کی قیمتوں کو کنٹرول کرنے کیلئے تمام ڈپٹی کمشنرز کو احکامات جاری کردیئے۔

اس حوالے سے کمشنر آفس کے ترجمان کا کہنا ہے کہ کمشنر کراچی اقبال میمن کی زیر صدارت اجلاس میں گوشت، دال، چاول، سبزی اور دیگر ضروری اشیاء کی قیمتوں کا بھی جائزہ لیا گیا۔

کمشنر کراچی نے اجلاس میں آئندہ ہفتے اشیائے خوردونوش کی قیمتوں کے متعلق نوٹیفکیشن جاری کرنے کے احکامات جاری کیے جبکہ قیمتوں کے سلسلے میں ڈپٹی کمشنرز کو پیر تک سفارشات تیار کرنے کی ہدایات جاری کیں۔

جبکہ ماہ رمضان المبارک کی آمد کے حوالے سے انہوں نے کہا کہ آئندہ ہفتے اشیاء خوردونوش کی قیمتیوں کا نوٹیفکیشن جاری کیا جائے گا۔

ان کا کہنا تھا کہ اشیائے خوردونوش کی قیمتوں کو ضابطے میں رکھنا کراچی کے ساتوں ضلعی انتظامیہ کی بنیادی ذمہ داری ہے۔