حال ہی میں تیسری شادی کرنے کے بعد پاکستان تحریک انصاف کے رکن قومی اسمبلی عامر لیاقت حسین کی اہلیہ سیدہ دانیہ شاہ کی اپنے والدین اور بھائی کے ساتھ تصاویر سوشل میڈیا کی زینت بن گئی۔

سیدہ دانیہ شاہ نے انسٹاگرام پر اپنی نئی تصویر شیئر کی، جس میں ان کے والدین سمیت چھوٹا بھائی بھی موجود ہے۔

تصویر شئیر کرتے ہوئے ان کا کہنا تھا کہ " مجھے اپنے اہل خانہ سے بہت پیار ہے۔"

انہوں نے بتایا کہ تصویر میں ان کے والد میاں احمد سجاد، والدہ سلمیٰ احمد سجاد اور بھائی عبدالوہاب موجود ہیں۔

معروف مذہبی اسکالر عامر لیاقت نے پنجاب کے شہر لودھراں سے تعلق رکھنے والی 18 سالہ سیدہ دانیہ شاہ سے تیسری شادی کی تاہم انہوں نے اپنی تیسری شادی کا اعلان انسٹاگرام پوسٹ کے ذریعے کیا۔

اس سے قبل 49 سالہ عامر لیاقت نے سیدہ طوبیٰ انور سے دوسری شادی کی تھی جو کہ اب شوبز انڈسٹری سے وابستہ ہیں۔