مہنگائی سے پریشان عوام کیلئے اچھی خبر آگئی، حکومت پاکستان نے فروری 2021 کے پہلے 15 دنوں کیلئے پیٹرولیم مصنوعات کی قیمتوں میں اضافہ نہ کرنے کا فیصلہ کیا ہے۔

وزیراعظم کے معاون خصوصی شہباز گل نے ٹوئٹر پر اس خبر کی تصدیق کی۔

سہباز گل نے لکھا :"وزیراعظم نے پیٹرول کی قیمت میں 11 روپے اور ڈیزل کی قیمت میں 14 روپے اضافے کی سمری منظور نہیں کی۔"

انہوں نے مزید لکھا ؛"وزیراعظم نے کہا ہے کہ پوری دنیا میں بڑھتی ہوئی مہنگائی کی وجہ سے تیل کی قیمتیں بڑھ رہی ہیں لیکن حکومت پاکستان عوام کو مہنگائی سے بچانے کے لیے ہر ممکن کوشش کرے گی،اس لیے وزیراعظم نے اس سمری کو ڈیفر کر دیا ہے۔"

گزشتہ ہفتے ذرائع کا کہنا تھا کہ بین الاقوامی مارکیٹ میں بڑھتی ہوئی قیمتوں کے پیش نظر آئندہ ماہ پیٹرولیم مصنوعات کی قیمتوں میں 10 روپے تک اضافہ متوقع ہے۔