صدر مملکت ڈاکٹر عارف علوی دوسری بار کورونا میں مبتلا ہوگئے ہیں انہوں نے شہریوں سے احتیاطی تدابیر اور ایس او پیز پر عمل کرنے کی اپیل کی ہے۔

سماجی روابط کی ویب سائٹ پر ٹویٹ میں ان کا کہنا تھا کہ "جب میں بیمار ہوتا ہوں تو وہی شفا دیتا ہے"۔

انہوں نے کہا کہ میرا کورونا ٹیسٹ دوبارہ مثبت آیا ہے اور 4،5 دن سے گلا خراب تھا مگر بہتر ہورہا تھا۔

ڈاکٹر عارف علوی نے کہا دو رات قبل چند گھنٹے کیلئے معمولی سا بخار ہوا تھا۔

انہوں نے مزید کہا میرے دوستوں، احتیاط کریں اور ایس او پیز پر عمل کریں۔