اسلام آباد:وزیراعظم عمران خان نے محصولات کی وصولی میں اضافے پر ایف بی آرکی ٹیم کو مبارکباد دی۔
وزیراعظم عمران خان نے سماجی رابطے کی ویب سائٹ ٹوئٹر پر اپنے ٹویٹ میں کہا کہ نومبر میں محصولات کی وصولی میں 35 فیصد اضافہ ہوا، گزشتہ سال کے مقابلے 5 ماہ میں محصولات 37 فیصد بڑھیں، ایف بی آر کی ٹیم مبارکباد کی مستحق ہے۔
Congratulations to the FBR team for achieving a 35% increase in revenues in November over last year and 37% increase in the five months over last year. pic.twitter.com/b9SfNy2OmH
— Imran Khan (@ImranKhanPTI) December 1, 2021
نومبر میں ایف بی آر کی ٹیکس وصولی35فیصد اضافے سے 470ارب روپے رہی
ادھر نومبر میں فیڈرل بورڈ آف ریونیو (ایف بی آر)کی ٹیکس وصولی35فیصد اضافے سے 470ارب روپے رہی، ایف بی آر کے مطابق گزشتہ ماہ مقررہ ہدف سے 62ارب روپے زائد رہی۔
فیڈرل بورڈ آف ریونیو کی ٹیکس وصولی میں اضافہ ہوا،نومبرمیں 35فیصدزیادہ ٹیکس جمع کیا ،گزشتہ ماہ ٹیکس وصولی کا ہدف 408ارب روپےتھالیکن وصولی 470ارب روپے رہی۔
ایف بی آر کے ابتدائی اعدادوشمار کے مطابق رواں مالی سال 5ماہ میں 23کھرب 14ارب روپے ٹیکس جمع ہواجبکہ جولائی سے نومبر تک ٹیکس وصولی کا ہدف 20کھرب 16ارب روپے تھا،اس طرح 5ماہ میں ٹیکس وصولی میں37فیصد اضافہ ریکارڈ کیا گیا۔
