اسلام آباد:پاکستان مسلم لیگ (ن)کی ترجمان مریم اورنگزیب نے کہا ہے کہ سبز باغ دکھا کر عمران خان نے قوم کو دوبارہ قطاروں میں کھڑا کردیا، ہر طرف نئے پاکستان کے اذیت ناک مناظر ہیں، جو افسوسناک اور شرمناک ہیں۔
سماجی رابطے کی ویب سائٹ ٹوئٹر پر اپنے ٹویٹ میں مسلم لیگ (ن)کی ترجمان مریم اورنگزیب نے کہا کہ وزیراعظم نواز شریف نے لوڈشیڈنگ کی اذیت، پیٹرول اور گیس کی قطاروں سے نجات دلائی تھی،سبز باغ دکھا کر عمران صاحب نے قوم کو دوبارہ قطاروں میں کھڑا کردیا۔
وزیراعظم نواز شریف نے لوڈشیڈنگ کی اذیت، پٹرول، گیس کی قطاروں سے نجات دلائی تھی۔سبز باغ دکھا کر عمران صاحب نے قوم کو دوبارہ قطاروں میں کھڑا کردیا۔ آٹے، چینی تو کہیں گیس پٹرول اور بے روزگاروں کی قطاریں ہیں۔ ہر طرف نئے پاکستان کے اذیت ناک مناظر ہیں۔ افسوسناک، شرمناک pic.twitter.com/Uigzcr3Zlo
— Marriyum Aurangzeb (@Marriyum_A) November 25, 2021
مریم اورنگزیب نے مزید کہا کہ آٹے، چینی تو کہیں گیس ،پیٹرول اور بے روزگاروں کی قطاریں ہیں، ہر طرف نئے پاکستان کے اذیت ناک مناظر ہیں،یہ سب افسوسناک اورشرمناک ہے۔
نالائق وزیر اعظم نے پیٹرول بحران پیدا کرکے ملک کا پہیہ جام کردیا، شازیہ مری
دوسری جانب پیپلز پارٹی کی ترجمان شازیہ مری کا اپنے بیان میں کہنا تھا کہ نالائق وزیر اعظم نے پیٹرول بحران پیدا کرکے ملک کا پہیہ جام کردیا ، منصوبہ بندی کے تحت عوام کو پریشان کیا جا رہا ہے، ہر طرح کی مافیا عمران خان کا اے ٹی ایم مشین ہے ۔
شازیہ مری نے مزید کہا کہ یہ پہلی حکومت ہے جو رات کی تاریکی میں پیٹرول قیمتوں میں اضافہ کرتی ہے،لاڈلے نے قوم کو رلایا بھی رول بھی دیا ہے، تبدلی تباہی کی وبا ءبن چکی ہے، اس وبا ءسے نجات ضروری ہے۔
