اپوزیشن لیڈر اور ن لیگ کے صدر شہبازشریف کا کہنا ہے کہ مہنگائی پر بس نہیں چل رہا تو استعفیٰ دینا عمران خان کے بس میں ہے۔
ٹوئٹر پر اپنی ٹویٹ میں شہباز شریف کا کہنا تھا کہ آٹا، چینی، گھی، دوائی، بجلی، گیس، پیٹرول، معیشت اور مہنگائی پر بس نہیں چل رہا تو استعفیٰ دینا عمران خان کے بس میں ہے، استعفیٰ لکھ کر عوام کو فوری ریلیف دیں۔
شہبازشریف کا کہنا تھا کہ ظلم کی یہ حکومت نہیں چل سکتی، چینی کے بعد پیٹرول اور اس پر بجلی کی قیمتوں میں ایک اور اضافہ عوام پر مہنگائی کی بمباری ہے۔
