وفاقی وزیر اطلاعات و نشریات چوہدری فواد حسین کہتے ہیں بھارت کےغیر قانونی زیر قبضہ جموں و کشمیر میں کشمیریوں کےخلاف مودی حکومت کےگھناؤنے ہتھکنڈوں کے باوجود آزادی کی اُمید بڑھ رہی ہے۔
پیر کےروز ایک ٹوئٹ میں الجزیرہ کی ایک خبر کا حوالہ دیتے ہوئے فواد چوہدری کا کہنا تھا ٹی ٹونٹی عالمی کپ میں بھارت کے خلاف پاکستان کی فتح کا جشن منانے پر ریاست کے دو میڈیکل کالجوں کے طلبہ کے خلاف فوجداری مقدمات درج کئے گئے ہیں۔
انہوں نے کہا پاکستان کی کامیابی، کشمیر کی کامیابی ہے اور وہ اس کا جشن کیوں نہ منائیں؟
الجزیرہ کی رپورٹ کے مطابق بھارت کی شکست پر صوبہ مغربی پنجاب میں کشمیری طلباء پر حملے کئے گئے اور بھارتی ٹیم کے ایک مسلمان کھلاڑی کے خلاف آن لائن نازیبا زبان استعمال کی گئی۔
مقبوضہ کشمیر میں گورنمنٹ میڈیکل کالج اورشیر کشمیر میڈیکل کالج کے طلباء کے خلاف پاکستان کی جیت کا جشن منانے کے الزام میں مقدمہ درج کیا گیا ہے،پاکستان کی جیت کشمیر کی جیت ہے تو وہ جشن کیوں نہ منائیں؟ مودی جنتا کی ایسی ناروا حرکتوں دے آزادی کی امید بڑہ رہی ہے https://t.co/gcXuvfjqFL
— Ch Fawad Hussain (@fawadchaudhry) November 1, 2021
