پاکستان نے نیوزی لینڈ کو 5 وکٹوں سے شکست دے دی.

شارجہ میں کھیلے گئے ٹی20 ورلڈ کپ کے گروپ 2 کے میچ میں پاکستان نے 135 رنز کے ہدف کا تعاقب 19ویں اوور میں 5 وکٹوں کے نقصان پر کیا.

پاکستان کی جانب سے محمد رضوان 33 رنز بنا کر نمایاں رہے. شعیب ملک اور آصف علی 27،27 رنز بناکر ناٹ آؤٹ رہے.

کپتان بابر اعظم صرف نو رنز بنا سکے.

نیوزی لینڈ کی جانب سے اِیش سودھی نے 2 جبکہ مچل سینٹنر، ٹِم ساؤتھی اور ٹرینٹ بولٹ نے 1،1 وکٹ حاصل کی.

اس سے قبل نیوزی لینڈ نے پاکستان کی دعوت پر پہلے کھیلتے ہوئے مقررہ 20 اوورز میں 8 وکٹوں کے نقصان پر 134 رنز اسکور کیے۔

ڈیرل مچل اور ڈیوون کونوے 27،27 رنز بنا کر نمایاں رہے۔ کپتان کین ولیمسن 25 رنز بنا کر آؤٹ ہوئے. مارٹن گپٹل 17 رنز بنا کر آؤٹ ہوئے.

پاکستان کی جانب سے حارث رؤف نے شاندار بولنگ کا مظاہرہ کرتے ہوئے 4 وکٹیں حاصل کیں جبکہ شاہین شاہ آفریدی، عماد وسیم اور محمد حفیظ نے 1،1 وکٹ حاصل کی.

پاکستانی باؤلر حارث رؤف کو شاندار کارکردگی پر میچ کا بہترین کھلاڑی قرار دیا گیا.