ٹی ٹوئنٹی ورلڈ کپ میں پاکستان نے بھارت کو شکست دی تو قومی ٹیم کے کپتان بابراعظم کے والد اپنے جذبات پر قابو نہ رکھ سکے اور خوشی میں رو پڑے۔
سوشل میڈیا پر وائرل ویڈیو میں دیکھا جا سکتا ہے کہ بابراعظم کے والد خوشی سے رو رہے ہیں جب کہ ان کے اردگرد چاچا کرکٹ سمیت دیگر افراد انہیں مبارک باد پیش کرتے ہیں۔
کرکٹ کے معروف ماہر شماریات مظہر ارشد نے اپنی ٹوئٹ میں بتایا کہ ان کی بابر کے کزن و ٹیسٹ کرکٹر عدنان اکمل کے ولیمے پر بابراعظم کے والد سے ملاقات ہوئی تھی۔
انہوں نے ملاقات کا احوال بتاتے ہوئے کہا کہ اس وقت بابر کے والد نے کہا تھا کہ ایک مرتبہ بابراعظم کا ڈیبیو ہونے دو، آگے سارا میدان بابر کا ہو گا۔
