وزیر مملکت اطلاعات و نشریات فرخ حبیب کہتے ہیں حکومت پیداوار اور برآمدات پر مبنی اقتصادی ترقی کےلئے کام کر رہی ہے۔
آج اپنے ٹویٹ میں انہوں نے نشاندہی کی کہ موجودہ مالی سال کی پہلی سہ ماہی کے دوران برآمدات کا حجم گزشتہ مالی سال کے اسی عرصے میں 5ارب 47 کروڑ ڈالرز کے مقابلے میں سات ارب ڈالر تک پہنچ گیا ہے۔
کپاس کی پیداوار میں اضافے پر اطمینان کا اظہار کرتے ہوئے وزیر مملکت نے کہا کہ اس سے نہ صرف پانچ فیصد ترقی حاصل کرنے میں مددملےگی بلکہ ہماری برآمدات میں بھی خاطر خواہ اضافہ ہو گا۔
اس ماہ کپاس کی پیدوار 100 فیصد بڑھ کر 3.8 ملین گانٹھوں تک پہنچ گئی۔ جو کہ پچھلے سال اکتوبر 1.8 ملین گانٹھوں پر تھی۔ اس سے نہ صرف پاکستان کو 5 فیصد سے زیادہ جی ڈی پی گروتھ حاصل کرنے میں مدد ملے گی بلکہ ہماری برآمدات میں بھی نمایاں اضافہ ہوگا۔ pic.twitter.com/h2VljmsnND
— Farrukh Habib (@FarrukhHabibISF) October 5, 2021
