پنجاب اسمبلی میں قائد حزب اختلاف حمزہ شہبازکہتے ہیں آرمی چیف کی ایکسٹینشن کے حق میں فیصلہ ن لیگی قیادت کا تھا۔ یہ حکومت ملک کےلئےعذاب ہےاس سے نجات حاصل کرنا ہوگی۔
لاہور میں حمزہ شہباز لیگی رہنماء حاجی نور محمد بھٹی کے انتقال پر تعزیت کےلئے انکی رہائش گاہ پہنچے، اہل خانہ سے تعزیت اور فاتحہ خوانی کی۔
بعد میں میڈیا سے گفتگو میں اعتراف کیا کہ پارٹی نے آرمی چیف کی مدت ملازمت میں توسیع کےلئے پالیمنٹ میں ووٹ قومی مفاد میں دیا۔
حمزہ شہباز نے کہا اپوزیشن نے مہنگائی پر پی ڈی ایم کے پلیٹ فارم سے احتجاج کیا اور حکومت کو موقع دیا تاکہ وہ عوام کے سامنے ایکسپوز ہو۔
ن لیگ میں دو بیانیوں کے سوال پر حمزہ شہباز بولے کہ کیا دو دو سال کی جیل کاٹنا مفاہمت ہے؟ مفاہمت کا مطلب یہ ہے کہ ملک میں صاف اور شفاف انتخابات ہوں، ہم سیاسی جدوجہد پر یقین رکھتے ہیں۔
