پشاور:چیئرمین ایف بی آر ڈاکٹر اشفاق احمد نے کہا ہے کہ وزیراعظم کےاحکامات پر افغانستان سے برآمد ہونے والے پھلوں پر سیل ٹیکس ختم کردیا، افغانستان کو ٹیکنیکل سپورٹ کیلئے ایف بی آر وفد اگلے ہفتے کابل کا دورہ کرے گا۔

ایف بی آر کے چیئرمین ڈاکٹر اشفاق احمد نے ایف بی آر اعلی سطح وفد کے ہمراہ طورخم سرحدی گزرگاہ کا دورہ کیا۔

طورخم کسٹم ہاؤس میں تقریب سے خطاب کرتے ہوئے چیئرمین ایف بی آر نے کہا کہ پورے خطے کی تجارت کےفروغ کیلئے افغانستان کے انفراسٹرکچر میں بہتری لانا ضروری ہے۔

ڈاکٹر اشفاق احمد نے کہا کہ وزیراعظم کے احکامات پر افغانستان سے تازہ پھل کی برآمدات پر سیل ٹیکس ختم کردیا ،افغانستان کو ٹیکنیکل سپورٹ کیلئے ایف بی آر وفد اگلے ہفتے کابل کا دورہ کرے گا۔

انہوں نے مزیدکہا کہ ڈیوٹی اسٹرکچر کو مدنظر رکھتے ہوئے افغانستان سے درآمدات کی جانے والی دیگر اشیاء پر بھی ممکن حد تک ٹیکس کم کیا جائے گا۔