وزیراعظم عمران خان نے عالمی برادری پر زور دیا ہے کہ وہ افغانستان کے عوام کے ساتھ یکجہتی کےلئے کھڑی ہو اور افغانستان میں پائیدار امن، استحکام اور معاشی ترقی یقینی بنانے کےلئے اقدامات اٹھائے اور مثبت بات چیت کریں۔
وزہر اعظم عمران خان نے قطر کے نائب وزیراعظم اور وزیرخارجہ شیخ محمد بن عبدالرحمن الثانی سے جمعرات کو اسلام آباد میں ملاقات کی.
ملاقات میں وزیراعظم نے افغان امن عمل میں قطر کے کردار کو سراہا۔
وزیراعظم نے زور دیا کہ سیکیورٹی کی صورتحال میں استحکام انسانی بحران کی روک تھام اور معیشت کی مضبوطی انتہائی اہم ہے۔
انہوں نے کہا پاکستان افغانستان کی امداد انسانی ریلیف اور معاشی بہتری کےلئے اپنا کردار ادا کر رہا ہے اور کرتا رہے گا۔
قطر کے نائب وزیراعظم نے علاقائی امن اور استحکام کےلئے پاکستان کے اہم کردار اور کوششوں کو سراہا۔
انہوں نے دو طرفہ اور علاقائی امور پر پاکستان کے ساتھ اپنے قریبی روابط برقرار رکھنے کا عزم کیا۔
