اگر آپ کے آئی فون کی رفتار معمول کی نسبت سست ہے تو آپ کچھ چھوٹی چھوٹی تدابیر اپنا کر اس کی سپیڈ بہتر بناسکتے ہیں۔
دی سن کے مطابق ماہرین کا کہنا ہے کہ آئی فون کی رفتار براﺅزر میں جمع شدہ کیشے فائلز کی وجہ سے بھی کم ہو جاتی ہے، لہٰذا اپنے آئی فون میں موجود تمام براﺅزرز کی کیشے ڈیلیٹ کر دیں۔
اگر آپ سفاری براﺅزر استعمال کر رہے ہیں تو اس کے کیشے ڈیلیٹ کرنے کے لیے سفاری سیٹنگز میں جا کر پرائیویسی اینڈ سیکیورٹی سیکشن میں موجود "کلیئر ہسٹری اینڈ ویب سائٹ ڈیٹا" کے آپشن پر کلک کریں اور یہاں ایکٹیویٹ کا بٹن دبا دیں۔ اس کے بعد کنفرم کرنے کے لیے اسے دوبارہ دبائیں۔ اس طرح آپ کے سفاری براﺅزر کا کیشے ڈیلیٹ ہو جائے گا۔
کروم براﺅزر میں مینیو کے آئکن پر کلک کریں۔ یہاں سے ہسٹری میں جا کر "کلیئر براﺅزنگ ڈیٹا" پر کلک کریں۔ یہاں آپ منتخب کر سکتے ہیں کہ آپ کیا ڈیلیٹ کرنا چاہتے ہیں۔ یہاں آپ کو کیشے امیجز اینڈ فائلز کے باکس کو چیک کرنا ہوگا، تاہم آپ چاہیں تو کوکیز اور سائٹ ڈیٹا وغیرہ بھی یہاں سے ڈیلیٹ کر سکتے ہیں۔
آپ دیکھیں گے کہ براﺅزر کیش ڈیلیٹ کرنے کے بعد آپ کے آئی فون کی سپیڈ میں واضح فرق آئے گا۔ یہ طریقہ صرف آئی فون ہی نہیں، اینڈرائیڈ فونز کی رفتار بھی بہتر بنا سکتا ہے۔
