کراچی :پاکستان پیپلزپارٹی کے چیئرمین بلاول بھٹو زرداری نے سینئرکشمیری حریت رہنما ءسید علی گیلانی کے انتقال پر افسوس کا اظہار کیا ہے۔

پیپلزپارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئٹر پر اپنے پیغام میں سینئرکشمیری حریت رہنما ءسید علی گیلانی کے انتقال پر افسوس کا اظہار کرتے ہوئے کہا ہے کہ سید علی گیلانی کشمیر میں آزادی کی تحریک کا دوسرا نام تھے۔

پاکستان پیپلزپارٹی کے چیئرمین بلاول بھٹو زرداری کا کشمیری حریت رہنما سید علی گیلانی کے انتقال پر اظہار افسوس

سید علی گیلانی کشمیر میں آزادی کی تحریک کا دوسرا نام تھے، چیئرمین بلاول بھٹو زرداری@BBhuttoZardari

— PPP (@MediaCellPPP) September 1, 2021

سوشل میڈیا پیغام میں بلاول بھٹو زرداری کا کہنا تھا کہ سید علی گیلانی کی زندگی جہد ِ مسلسل کا ایک استعارہ تھی، ان کا مشن کشمیر کی آزادی تھا اور اس خواب کی تعبیر ہماری منزل ہے۔

چیئرمین بلاول بھٹو زرداری نے سید علی گیلانی کے انتقال پر دنیا بھر میں مقیم بالخصوص آزاد و مقبوضہ وادی کے کشمیریوں سے تعزیت کا اظہار کیا۔