اسلام آباد:ملک میں ایک دن کے دوران کورونا ویکسی نیشن کا ریکارڈ قائم ہوگیا، گزشتہ روز ملک میں 15 لاکھ سے زائد افراد کو کورونا ویکسین لگائی گئیں۔
ملک میں کورونا ویکسی نیشن بھرپور انداز میں جاری ہے ، این سی او سی کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ گزشتہ روز یومیہ ویکسی نیشن کا نیا ریکارڈ قائم کیا گیا ، 24 گھنٹے میں ملک میں 15 لاکھ 90ہزار309کوروناویکسین ڈوزلگائی گئیں ۔
اسد عمر نے کہا کہ گزشتہ روز ویکسین کی پہلی اوردوسری دونوں خوراکیں پہلی بارسب سے زیادہ لگائی گئیں، پہلی خوراک 10 لاکھ 70 ہزار لوگوں کو لگائی گئی، دوسری خوراک 5 لاکھ 19 ہزار لوگوں کو لگائی گئی۔
Single day vaccination crosses one and a half million for the first time. Yesterday 1.59 million vaccinations were carried out. Both first dose and second dose vaccinations yesterday were highest ever with 1 million 71 thousand and 519 thousand respectively
— Asad Umar (@Asad_Umar) September 1, 2021
اپنی ایک اورٹویٹ میں وفاقی وزیراسد عمرنے کہا کہ این سی او سی نے 31 اگست تک ملک کے 24 شہروں میں 18 سال سے اوپر کی چالیس فیصد آبادی کی جزوی ویکسی نیشن کا ہدف رکھا تھا، 20 شہروں میں ویکسی نیشن کا مقررہ ہدف حاصل کر لیا گیا ہے تاہم حیدرآباد،مردان، نوشہرہ اور کوئٹہ میں ہدف حاصل نہیں ہو سکا۔
We had set a minimum target of 40% of 18 plus population being partially vaccinated by end August for 24 large cities. Out of these 20 met the target. Only cities to miss the target were Hyderabad, mardan, nowshera and quetta
— Asad Umar (@Asad_Umar) September 1, 2021
اسد عمر کا کہنا تھاکہ ملک کی 35 فیصداہل آبادی کو کورونا ویکسین کی کم ازکم ایک ڈوز لگ چکی ہے، اسلام آباد 69، آزاد کشمیر 51، گلگت بلتستان 39، پنجاب میں 37 فیصد ، خیبرپختونخوا 35، سندھ 32 اور بلوچستان میں 12فیصد اہل آبادی کو ویکسین لگ گئی ہے۔
35% of national eligible population has recieved atleast 1 dose. Islamabad is at 69%, azad kashmir 51%, gilgit baltistan 39%, punjab 37%, khyber pakhtunkhwah 35%, sind 32% and balochistan 12%
— Asad Umar (@Asad_Umar) September 1, 2021
