پاکستان کرکٹ بورڈ کے چیئرمین احسان مانی نے عہدے میں توسیع لینے سے معذرت کرلی۔سابق کپتان رمیز راجا نے بورڈ کے نئے چیئرمین بننے کی تصدیق کردی۔
احسان مانی کی چیئرمین کےعہدے پرمزید کام کرنے سے معذرت کرنے کے بعدپیٹرن ان چیف وزیراعظم عمران خان نے رمیز راجا اور اسد علی خان کو نامزد کردیا۔
رمیز راجا نےتصدیق کرتے ہوئے کہا وزیراعظم سے فون آگیا ہے۔ کچھ دنوں میں الیکشن ہوں گے اور میں منتخب ہوجاؤں گا۔
انہوں نے مزید کہا وزیراعظم کوکرکٹ کی بہتری کیلئے پلانز دئیے ہیں،اولین ترجیح پاکستان کرکٹ کا قبلہ درست کرناہے۔
چیف ایگزیکٹیو وسیم خان نے قائم مقام چیئرمین کی ذمہ داریاں سنبھال لیں۔
دوسری جانب مختلف معروف شخصیات نے رمیز راجا کو چیئر مین پی سی بی بننے پر مبارکباد دی۔
ٹی وی پریزینٹر اور کمنٹیٹر زینب عباس نے کہا رمیز راجا کو چیئرمین پی سی بی بننے پر بہت مبارکباد۔ یہ پاکستان کرکٹ کےلئے اپنے ویژن پر عملدرآمد کا بہترین موقع ہے۔
Many congratulations to @iramizraja on his new appointment as PCB Chairman. Great opportunity to put into practice his vision for Pakistan Cricket.
— zainab abbas (@ZAbbasOfficial) August 26, 2021
اداکار فہد مصطفیٰ نے بھی رمیز راجا کو ٹوئٹر پر مبارکباد دی۔
آسٹریلوی اسپورٹس صحافی ڈینس نے رمیز راجا کی پرانی تصویر شیئرکرتے ہوئے از راہِ مذاق کہا رمیزراجا نے اعلان کیا ہے کہ تمام سٹے بازوں کےبھاگنے کےلئے 31 اگست تک کا وقت ہے۔
New PCB Chairman Ramiz Raja has announced that all match fixers have until August 31 to leave pic.twitter.com/EEAwqBbK8y
— Dennis Ramiz (@DennisCricket_) August 26, 2021
